星期六晚同一班舊同事去西貢BBQ,除左我之外個個都起碼40.我地燒野食飲下酒咩都講,同事們年齡差好遠但個個都好好玩無代溝架,雖然叫做同事但原來我識既只得一個=0=

當燒到咁上下有個叔叔同我傾佢家事,個叔叔我係幾年前見過一次架咋,傾傾下忽然問我一個問題 ......

丫妹! 你話男人係唔係一定要比女人強呢?做男人係唔係真係可以咁堅強呢?

我話男人其實內心比起好多女人都脆弱,只不過係從小到大都俾人訓練到要堅強,趺到要自己起身,連喊都唔得,因為男人喊就係無用就係弱者.

仲有男人因為要表現得強,好多時都搵唔到人傾訴,因為怕俾人話又怕人唔明又驚人睇小,其實好多野收收埋埋係好痛苦,家人又唔明...........

講到依度叔叔無啦啦舉高隻手板俾個5我,原來唔係同我GIVE ME FIVE而係叫我唔好講,當時未意會到..........原來佢已經忍唔住流左行淚出黎,我果下真係唔知點好,輕輕咁拍拍佢背同佢講我地飲杯啦! X_X

我真係未見過男人喊仲要係一個做得我爸爸既人,我係唔係講中左佢心事呢?

我諗佢內心一定好多心事一直都搵唔到人傾......果晚佢無叫我丫妹啦叫我做社工,希望佢可以搵到人傾啦.

叔叔希望你既問題可以一一解決!

  這幾天我不斷問自己應當如何決擇，與其茍延殘喘倒不如忍痛來過痛快了斷！我知道免強挨過來是令我倆也痛苦的事，但我還是希望有奇蹟發生．心裡一直想著能挨得過去就會好起來，自私地希望您不要離我而去．．．．．．．．
　　與您一起生活快３年了，你的喜惡我就最了解，您的壞習慣雖然一次又一次的挑戰我的底線，但我從不曾責備過你，忍耐，接受，包容我一一做到．因為我愛你！
　　知道你舊病復發，所以我整晚沒睡一直守護著你，看到你被病魔折磨我的心如刀割，雖然十分希望你能支持到底，但實在不忍見你痛苦掙扎，一直問您很辛苦是麻？如果真的很辛苦就一直睡下去不要醒，緊緊的把你抱入我懷裡，你的身體不停的抖口吐白沬，更因為抽搐得太厲害引致失禁，但我一點都不介意從沒想⋯⋯過把你放棄．　　　　

你有２天不肯進食，我只好一直用小匙一匙匙的把水餵進你的口裡，見到你一口一口的喝下去這我已令我感到很開心，還一直鼓勵您說您真棒把水喝掉，你一定能好起來的．４點多把熟睡的您放在小墊上急忙的梳洗一下把衣服換掉，從廁所出來見你睡得香甜就不打擾您讓你繼續睡．
　　之後你就只有輕微的抽搐，心想你終於都挨過了，見你張開口我就抱起你餵你喝點水沒想到喝第二口的時候你就沒反應．．．．．
你一直都在等我抱你嗎？對不起我應該梳洗後就立即把你緊緊的抱著，我猜你張開口不是要喝水而是想叫我抱著你是嗎？你是要跟我來一個最後的道別是嗎？
　　２０１０年９月２９日上午６點３５分你在我懷裡離開了我，你柔軟的身體漸漸彊硬，我只能抱著你微暖漸冷的身體流著淚向你道別．我愛您！⋯⋯我真的很愛您！
　　我還記得你第一次與你⋯⋯見面的時候，你就老實不客氣的在我懷中睡的甘甜．是的您一直也很喜歡睡在我懷裡．．．

　　轉眼間係依個地方工作已一個月多d啦 ，由咩都唔識傻下傻下到依家開始上手，叫做知道每日要做ｄ咩野，感覺都唔錯。

睇到中心會員既日常生活，聽下佢地講下往事，原來班會員好鬼死醒，千其唔好以為佢地係傻既，因為佢地扮野叻、炸嬌叻、投訴仲叻 。

不過對住佢地我一ｄ都唔覺得難頂同辛苦，反而好開心可以係度照顧佢地。

唯一既係同事間既相處，人同人之間相處真係一門極度艱辛既學問，由其是係一個女人堆裡面，唉個個把口都唔收同當我透明不停講是非，ＡＢ個一齊就講Ｃ，ＣＢ一齊就講Ａ，ＡＣ一齊就講Ｂ，唔厭既咩？可唔可以唔好咁丫．．．．．．．．你地比起ｄ會員仲有問題！！

等左好耐依一日終於來臨啦　　聽日就係我係依個地方第一日返工既日子　　又興奮又緊張　　唔知聽日會點呢　我要加油丫　好想早ｄ訓但訓唔到丫　太緊張　＝＿＝

送上一首歌之後　我一直都留意住你既反應　但見你無咩動靜　一個鐘之後回應左我一句．．．”現在還可以．謝謝　”

ｗａ雖然你果２句野好冷冰冰好似同陌生講咁　但係你既繁忙又煩惱既時間　你竟然有反應　

我不知幾開心呢　因為我真係好怕阻住你做野　跟住再隔多個鐘　見你ｍｓｎ轉左句野　寫住

”聽著聽著，不禁流下淚來，是我太易受感動了嗎？”ｙａ　你真係有用心去聽既好野　但我真係希望你係因感動而流下淚來，而唔係工作上既煩惱令到你咁．

真係擔心，我又幫唔上忙，你又唔肯多講．．．如果唔係我睇新聞知，我諗到依家我都唔知．

有好多時咁樣諗諗下屈住屈住我都想喊．．．．希望好快過去啦

你同我講話過左１１月會好ｄ　我等緊１２月既來臨

唉　你其實想點者　我就黎俾你玩死架啦　係定唔係既先得架　我心靈好脆弱架咋　你仲要玩我玩幾耐　見到你ＭＳＮ　ＯＮ左又唔敢叫你　驚阻住你做野　更加驚你唔應我轉頭就ＯＦＦ埋　定係我真係好好玩先　我真係寧願你ＤＥＬ左我　等我睇唔到你ＯＮ　你時冷時熱既態度真係令我好想隊”林”你　．．．．．　不如你由今日起唔好打俾我　唔好約我去街啦　我就癲啦　

依２日朋友打黎我都無聽電話　我唔係唔想聽　但聽左我都唔知點同你地講野好　

為免你地以為我玩野接左唔出聲　　我只好等你地一個一個咁收左線後　先再一個一個ＳＭＳ去覆番俾你地

原來講唔到野真係好慘架　我已經因為感冒啞左２日啦　唔知仲要等幾耐先開得番聲呢

前幾日同朋友　Ａ　一齊去行街街+買餸　買完衫睇完野就入到一間凍肉超市　

Ａ　隨手拎起一罐雞粉　　喂買雞粉丫　奄肉炒菜咩都放Ｄ落去

好好用架　你知唔知依家煮飯要小鹽小糖架　拿學我咁煮咩都放Ｄ落去　咁就又好味又健康啦

咁點健康法　落左雞粉就唔駛落鹽落糖　咁仲唔係健康咩　乜你咁蠢架．．．．．．．

我仲可以講Ｄ咩丫