|
  
|
轉眼間係依個地方工作已一個月多d啦 ，由咩都唔識傻下傻下到依家開始上手，叫做知道每日要做ｄ咩野，感覺都唔錯。
睇到中心會員既日常生活，聽下佢地講下往事，原來班會員好鬼死醒，千其唔好以為佢地係傻既，因為佢地扮野叻、炸嬌叻、投訴仲叻 。
不過對住佢地我一ｄ都唔覺得難頂同辛苦，反而好開心可以係度照顧佢地。
唯一既係同事間既相處，人同人之間相處真係一門極度艱辛既學問，由其是係一個女人堆裡面，唉個個把口都唔收同當我透明不停講是非，ＡＢ個一齊就講Ｃ，ＣＢ一齊就講Ａ，ＡＣ一齊就講Ｂ，唔厭既咩？可唔可以唔好咁丫．．．．．．．．你地比起ｄ會員仲有問題！！
送上一首歌之後 我一直都留意住你既反應 但見你無咩動靜 一個鐘之後回應左我一句．．．”現在還可以．謝謝 ”
ｗａ雖然你果２句野好冷冰冰好似同陌生講咁 但係你既繁忙又煩惱既時間 你竟然有反應
我不知幾開心呢 因為我真係好怕阻住你做野 跟住再隔多個鐘 見你ｍｓｎ轉左句野 寫住
”聽著聽著，不禁流下淚來，是我太易受感動了嗎？”ｙａ 你真係有用心去聽既好野 但我真係希望你係因感動而流下淚來，而唔係工作上既煩惱令到你咁．
真係擔心，我又幫唔上忙，你又唔肯多講．．．如果唔係我睇新聞知，我諗到依家我都唔知．
有好多時咁樣諗諗下屈住屈住我都想喊．．．．希望好快過去啦
你同我講話過左１１月會好ｄ 我等緊１２月既來臨
仲記得今年既１月２８日＝０＝ 好多野做訓到１０點 幾起身要去２個地方交表一個東一個西 又約左家姐飲茶２點半
好心急一出門口就３步當２步走 一支箭咁衝去小巴站準備搭小巴 但見到小巴好多人就轉左去搭的士
點知－_－" 係的士站度叉錯腳 成個人跌左落地 痛到起唔到身坐左２分鐘 正當諗緊我係唔係應該叫白車既時候
好心既司機叔叔佢竟然落車扶我＞＜好感動丫 佢問我小姐你無事丫麻 介唔介意我扶你起身丫 之後仲安慰我同我講
依幾日都落雨 雖然你跌倒但今日好好天無落雨 如果落雨你咁跌法就成身濕晒架啦 又話雖然條褲磨到爛左
但好彩你著長褲有條褲擋住 唔係既話你個膝頭就唔只咁啦 等我唔駛喊>< (好醜丫-0-)
我仲記得個司機叔叔叫咩名丫 ”鄒漢文”先生好多謝你丫
我覺個司機叔叔講Ｄ野好正 當你覺得最倒楣最黑仔既時候 掉返轉頭諗一諗 原來就算好似我咁跌到坐係地下 隻腳損晒褲爛左腳扭親 都唔係咁差 ^^
起碼我係果一日認識到一個 好好人既司機叔叔 聽到佢講以上既話 個心好溫暖 好舒服心情不其然好左
我要好好向司機叔叔學習 ^^ 凡事換一個角度看 退後2步睇既畫面會大好多
